本身自己對尺寸和數字係好唔掂. 本人屋企裝修,因為有唔少支出,一開始已經搵唔同公司夾價,包括運輸倉,間中賣廣告嘅[時槍]迷你倉,最後夾生果迷你倉. 葵涌區本身都有唔少迷你倉,有d只係電話問報價. 價錢論運輸倉最平,因為只可以一次存入和一次提走物品
第一次上去葵涌區(尾順果間)生果迷你倉, 個sale 比咗兩個唔同平方呎嘅倉我睇.細d果個因為係長方型,睇落已經講覺得好似好細,同埋我知自己本身多嘢,亦有好多雜物散件. 個sale話向高空發展會夠位擺. 跟住我再講, [時槍]迷你倉果個sale 有提我,根據我描述嘅物品數量,最少要租30平方尺,果個sale同我講有分建築和實用面積. 之後我衰老實同佢講我夾緊價,最平係1200蚊嘅運輸倉
原先因為[睇送食飯],所以都諗住用運輸倉.無諗到果個sale身第二日cold call 打比我話有折. 折完個價同運輸倉唔係差好遠. 但正式入倉果日發現真係租細咗,件事再發展落去,才發覺原來中伏
期間因為有免租期,在執屋嘅過程中, 好自然會擺住d 散件雜物入去,同埋運輸公司其實無責任同你疉好d 紙箱,令到個空間又再細咗. 再加上紙箱疊到4個咁高,一個女生根本無可能自己一個枱上枱落去攞紙箱裡面嘅嘢
最後我點解會覺得係一個銷售騙局,因為
-個sale之後只係識叫我加錢租多一個櫃擺埋其他擺唔哂嘅嘢
-睇準我用運輸倉個價錢,先游說細倉夠擺( 租金最貼近運輸倉),當用家洗濕個頭之後, 搬屋裝修怕麻煩,再比錢分租多一個倉
-投訴去到個主管, 個主管[好心]話其實唔記得叫個sale 提我同運輸果邊要疊好d紙箱
-個sale開依張單果時,個主管話佢知情,個主管做咗依行10年,但就無理會個客係一個女性,個倉剛剛好放哂所有紙箱入去,根本無能力一個人把紙箱枱上枱落去攞嘢
-裝修客要放嘅物品唔係少量,同埋我原先有講明要攞衣物,因為租倉嘅月份會換季
其實最終入倉嘅紙箱,仲要係比原定嘅少4個.因為其餘換了洗衣鋪果種大膠袋去放衣物
入倉果日d運輸勉強放哂所有紙箱入去就閃人.最後狼狽咁擺咗堆散件雜物在另一個倉,但當時得一個鎖頭. 在依件事交涉期間,因為主要果個倉無鎖,雖然我同意在我不在埸嘅情況下,比佢打開個門去了解擺放嘅情況,但果個sale 無得到我同意去影個倉擺物件嘅情況. 處理成件事嘅過程中,一句道歉都無講,亦無提醒個客盡快上返鎖之餘仲要影相
