話說 我屋企人就去左買個$360的電飯煲
叫 imarflex 伊瑪牌(IRC-YF50)
大約買返來一至兩日到
咁我就開來用啦
因為屋企人話煲心厚 就好
咁我覺得一個$360嘅電飯煲唔會差得去邊啦
點知 開來用笫一個 就已經煮唔到飯
大約煮5分鐘到 佢就自己”嘟嘟嘟”
心諗 笫一日炸WOW 無理由會壞
咁個個夜晚 我就用左一個半鐘來試個電飯煲
煮飯煮唔到 好像保暖咁 粥又煮成半生熟
再睇睇個盒 無保養書 得個說明書
就知有問題
再問返屋企人
佢話呢個係最後一個
OK 咁笫二日屋企人就去問佢
佢話拎返去畀佢睇
咁笫三日啦 屋企人就拎返去畀佢
我返到屋企嘅時候
點知屋企人同我講
話要拎去整WOW
一個電飯煲 7日都未夠
點會幫你整
仲要唔畀個新嘅你
正常電器未夠7日有壞可以換新
如果無新 可以補錢換其他
你唔好呃我屋企人啦
之後我就去佢間鋪搵個男人
個男人話我同你屋企人講清楚
如果我唔係覺得我屋企人畀你呃
我會來搵你?
之後我再問男人 我應該可以換新 唔係整
個男人就話:呢個要睇廠 唔係我話事
我話:個盒連保養書都無 保兩年?
呀叔你又玩我啦
佢就話:你自己打電話去問伊瑪 我負責賣
仲有呢 電器有壞係自己拎去整 唔係你幫我整
電話唔洗留 單唔洗畀 你做野求奇呀? 定係你有心呃?
我就話:未夠7日可以換新 呀叔你唔係唔知呀
佢再講:個野唔係你買 叫你屋企人同我講
係呀 唔係我買 但係係我屋企人買 我屋企人畀人呃 唔通唔關我事?
你都幾好笑
咁我要求加錢換新
個男人就開始發脾氣
我就等我屋企人來揀
之後個女人就開始問候我屋企人
話我無禮貌
講來講去只係識”屌你老母”
有文化水平有禮貌唔需要粗口來溝通
如果我真係無禮貌就一入來講哂粗口啦
洗同你好聲好氣
你唔好以為我係細路女啦
你呢D咁嘅人 開係深水埗呃D街坊
不見得你嘅文化道德水平高得去邊
之後個男人仲好笑
你估呢度”佔中”?
你唔好講出來畀人笑啦好無呀
你唔知佔中係咩 你就唔好亂咁做比喻啦
我做左D咩令你覺得佔中呢?
之後就叫我反屋企
咩反屋企就幫到你呀媽
唔見叫你D仔女返屋企?
又叫佢出來幫手?
柒小陣啦
我返唔返屋企唔關你事
我今日唔來就真係幫唔到我屋企人啦
畀你呃左$360
之後個女人仲好笑
話人無錢買野返大陸
你覺得E家D大陸人好窮?
分分鐘仲有錢過你啦
做小小生意就串串貢
真你祝你生意興隆 含家富貴啦
最後為屋企人成功爭取換其他新的
但又係又係唔知咩牌子來嫁
如果你真係入去買 記得問清楚有無得換
佢成間鋪都係特價 都唔知係咪專呃人
大家如果有問題
可以打電話報海關或消費者委員會
消費者委員會電話:(852) 2929 2222
（服務時間 ： 星期一至星期五 上午九時至下午五時半）

最後最後^_^ 等天收你啦!