我講件事出黎係希望唔好再有受害者俾呢間黑店呃~!!! 我上個星期係Q PXts買左隻3個幾月大ge異短貓仔,活 […]

我講件事出黎係希望唔好再有受害者俾呢間黑店呃~!!!

我上個星期係Q PXts買左隻3個幾月大ge異短貓仔,活潑痴人好精神,愛摸愛玩,店員話因為新貓唔熟悉環境會驚,叫我地關佢係籠兩個禮拜等佢無咁驚先放出黎,
而買個陣都應佢地要求簽左””出售寵物100%信心保證&倍安心30天額外健康保證””ge條款,
返到屋企觀察左佢幾日,食得訓得屙得,得閒抱下佢等佢熟悉我唔驚我,
到放佢出黎啦,佢好貪玩,周圍跑見野就玩,好百厭,
同時我發現佢玩完透氣好急促,張大個口喘氣,我即打去鋪頭問,
店員話正常ge,只係我同佢玩得太癲,咁我放番入籠,
觀察左一陣無咁喘,第二日放佢出黎,我無同佢玩,
由佢自己係屋周圍走,過左一陣情況都係咁,仲嚴重左,
打去問D職員話唔使擔心,如果仲係唔放心ge拎佢返黎鋪頭,我地send番去office個度幫你照顧佢,
我心諗咁遠,你地又淨係觀察佢唔係提供醫療,我自己take care仲細心啦
之後佢開始打乞痴,好多眼水鼻水,每分鐘心跳六十幾七十下,張大口透氣好辛苦,
即帶佢去睇獸醫,除左感冒之餘,照X-ray check到佢有先天性心臟病+氣管有D彎曲,
第二日我send左張證明俾佢追討,第一次佢俾左兩個選擇我,
一:俾番隻貓佢,佢俾番全數貓錢我,
二:佢地俾1000蚊購物優惠劵我,
我立場企到好硬,
我由養佢第一日已經對佢生命負責任,俾番隻貓佢地,知佢有先天病都唔會醫,想將佢人道毀滅?定唔通又想當健康ge貓賣俾其他人呃人?
俾1000蚊購物優惠劵我有咩用?我已經對呢間公司完全失去信心~!!!!
佢地將病貓當健康貓咁賣,我買到當我唔好彩,但貓貓仲不幸~!!!

一: 佢地公司所講既倍安心30天額外健康保證,本身隻貓係佢地公司拎返黎已經係有問題,試問我
又點再放心交返隻貓比佢地照顧?佢地又可以點照顧佢?貓貓而家有心臟病佢只係照顧佢而唔係去醫佢有咩用?
更何況我之前問過佢地同事只係會照顧下D貓觀察,唔會作出任何醫療既行動,甘我自己照顧都得啦。
而家係要去想辦法醫佢,照顧貓人人都識,佢地今次一定要為左貓貓有先天性心臟病負上一定責任。

二: 佢地應該有責任去確保D貓健康先至拎出黎賣,如果咁講姐係佢地公司係D貓貓未拎出黎賣之前檢疫有疏忽啦?再要將責任推到我地消費者身上?

三: 我黎緊仲要承擔一筆以長遠計既醫療費用,但佢地公司將責任推哂去我身上

依家談判仲未完,等佢地聽日打俾我

Tags:
Categories: 寵物