我幫襯以上公司全屋油牆，訂造客廳，睡房及廚櫃，但經驗實在太差,希望大家唔好重覆這不快經驗 開工日期一拖再拖，完 […]
我幫襯以上公司全屋油牆，訂造客廳，睡房及廚櫃，但經驗實在太差,希望大家唔好重覆這不快經驗
開工日期一拖再拖，完工時間遲足兩個月
設計的師父下巴輕輕咩都話得，叫我地清左間屋先，通知佢後三日內會有師父開始過來批灰油牆,同一時間佢五日內會有初稿比我地睇到，修改後確認，確認後，堔圳廠三個星期內會做好，第四星期就會有傢俬送到安裝
我地清左間屋，去佢鋪頭交左條鎖匙比佢，第三日油牆師父無出現，我打電話去比設計個師父，佢話呢兩日會有師父到，到時打比我。但過左兩日之後依然無開始過，我再打去佢公司，個負責人陳小姐話””呢排師父都好忙,我地會安排嫁啦,下星期啦。””態度好唔耐煩，有無搞錯，安排唔到就唔好應承，遲左開工，一定唔可以如期完工，當時我地租左另一個地方住，變相我地可能要交雙重的租金。
到左下星期，有個師父過來拆左牆就走左，我問幾時開始批灰，個師父話唔知，我只係過來拆牆，叫我問返公司
連續五日唔接聽電話，我上門搵佢地，服務態度差劣
我又打去鋪頭，響左好耐都無人聽，於是我打比個設計師父，設計師父同陳小姐兩個都無聽，真係好過份，放左工我親自去鋪頭，陳小姐差態差劣話””我地有好多工程都做緊，會安排，但比唔到確實日子。””最後足足遲左二個星期先開始。
而講好左收到確認稿時候四星期貨會到，但都係要三吹四請，打左無限次電話去，但都遲遲未確定幾時會做好，佢地只會答做緊，更離譜既係,足五日都無人聽電話，可能心虛，知道做唔切又唔開大口，由批灰,修改設計圖,到安裝足足比原定計劃遲左兩個月。要注意的係，當貨到左佢地香港會倉既時候，佢會要求你交全數，佢話佢要等你交全數，佢先安排師父上來裝傢俬。當然唔好比佢啦，比左之後設計出咩事，佢咩都唔負責嫁啦。
事前報細數，開工後要加錢
本身揀好左廚房個色同板，然後過左幾日，師父打來話我揀個板係特別既色，要加錢，當時佢比板我揀既時候，佢分開左兩分，一啲係要加錢，普通款係唔使加錢既，我當時好記得我揀普通款，因為我地唔想超出我地既budget. 仲有我地個客廳飾物櫃，佢話有裝飾證,sink 盤，又話要我地加錢，我問佢當時做咩唔講，佢話上到深圳廠做既時候先知個板要加錢，真係搶得就搶。
設計錯，唔負責任，唔肯退貨
收到第一稿設計圖，需要改尺付，師父只係改左第二個圖，態度己經好差,好唔耐煩，可能知道我地心急，佢就話””你地咁樣改法，我有排做，我仲有其他稿要畫嫁，若果再修改，我就排你地到最後先上深圳廠做啦，要再遲多個星期先收貨，到時遲左,唔關我事呀”” 而明明只係改左第二次，而係佢自己有幾多地方漏左，我地再提返佢，真係好過份。
佢第一稿fax比我,我係圖上修改好我要既野,之後我會打比佢口頭再confirm 一次，然後再fax返比佢，佢會畫一張新既然後再fax比我,無問題簽名作實，當我收到新圖，我發覺佢忘記左改個廚櫃要由扇門改成抽屜，我打比佢同佢講，佢話佢會修改，叫我簽名先，若果唔係就趕切上深圳做。
最後貨到左，設計好差，廚櫃裏空間太大，只留一個層板，之後我要求佢加多塊層板。我要求修改抽屜既部份，佢有修改成三個抽屜但加左一個扇門在外面，變相抽屜拉出來細到只可以放兩卷紙巾，完成用唔到
我打返去鋪頭搵陳小姐，話唔係我想要既設計，個抽屜細到裝唔到野，我要退返個櫃，佢態度好唔耐煩，佢話個位夠裝嫁,你可以裝啲細件野,同埋你之前有簽到名同意咁做嫁，退貨再做過要補二千蚊，可能要三個星期後先有貨。
本身裝修就是要有十萬件事要煩腦，自己要有大概的構思，找到一家好的公司幫忙設計，就可以減少壓力順順利利，安心如期完工。
找到一家不滯的公司，不但幫不上忙，而是幫倒忙，更增添煩惱，經常擔心裝修的進度，而深水埗藝X傢俬裝飾中心這真是一家，設計馬虎，幫倒忙，不負責任的黑店。
